Luz verde á demolición do Hospital Xeral de Vigo para acoller a Cidade da Xustiza

|

Hospitalxeralvigogalipedia

// Galipedia


O Concello de Vigo deu luz verde á licenza para a demolición dunha parte do antigo Hospital Xeral, cuxas instalacións serán rehabilitadas e transformadas para albergar os novos xulgados da cidade.


Segundo confirmou en rolda de prensa o alcalde olívico, Abel Caballero, asinouse a licenza para esta intervención, cuxo orzamento é de 2,23 millóns de euros, e o proxecto inclúe a retirada da cuberta verde do hospital, accións no interior da torre, o baleirado interior das plantas baixas do anexo I, a derriba parcial do anexo II e obras de baleirado na zona onde estaba a cafetería.


Paralelamente á demolición, e segundo anunciara a Xunta, redactarase o proxecto de reforma definitivo para adxudicalo antes de que acabe 2017. As previsións do goberno galego apuntan a que a rehabilitación do antigo Hospital Xeral estará completada a finais de 2019.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress