Catalá gaña o cesamento

Manuel Fernando González

Elpresidentedelgobiernomarianorajoy


Avecíñase tormenta. Dous xuíces da Audiencia Nacional decidiron co seu voto que Mariano Rajoy, o Presidente do Goberno de España, compareza como "testemuña", ou sexa: que non pode mentir na súa declaración polo escandalazo da Gürtel, onde lle esperan o Fiscal e os avogados de Pablo Crespo --un vello inimigo político seu en Galicia-- os de Correa, os de Bárcenas --outrora o seu gran amigo-- e sobre todo, unha opinión pública que vai contemplar a situación con moitas ganas de desquite polas penalidades sufridas, mentres unha cuadrilla de mangantes se repartían millóns a eito.


Como nestas cousas un cre que a casualidade non existe, resúltalle fácil preguntarse pola papeleta que desempeñou nesta gran lea o Ministro de Xustiza Rafael Catalá, que gañou un cesamento de libro e unha rifa entre bambalinas monumental por parte do seu xefe, ao que é máis que evidente que non lle soubo gardar as costas.


Xa sei que a Xustiza é ou debe ser independente, pero como hai algúns xuíces --por exemplo Juli Solanz -- que deixaron tal sinal de parcialidade no Caso Palau, recoñecer hoxe que ata é posible que esta enfermidade, que é moi contaxiosa, resulta que pode ser derrotada en toda regra por un antídoto de decencia nunca visto ata agora, aos pobres levántanos o ánimo e aos meus colegas failles fregar as mans cos titulares que se aveciñan.


E despois de fantasear un pouquiño que dirían en Santa Marta de Ortigueira, bo será que nos deamos un baño de realismo lembrando aquilo tan manido de que "a alegría dura pouco na casa do pobre", en base ao cal, tamén esta ocasión, sexamos extremadamente prudentes, xa que Rajoy é moito Rajoy, e que o que se lle vén encima é unha carga de profundidade de tal calibre que se non sabe sortear o envite, poder atoparse logo nos tribunais como imputado con porta de saída incluída; e se di a verdade do que sabe, pois xa se poden Vds. imaxinar o que significa. Ante o cal, algo se lle vai ocorrer, dada a súa recoñecida fama de sobrevivente nato.


E os confidenciais como analizan as actuais circunstancias? Pois, polo que parece, os pais da nigromancia asegúrannos en voz moi baixa que, aos que decidiron nas sombras que Mariano volvese ser Presidente --convencendo aos socialistas para que se abstivesen, co custo político que iso significou para o PSOE--, agora enviáronlle a factura ao de Pontevedra polos servizos prestados, xa que Rajoy despistouse do que se acordou e xa daba por seguro que volvería ser de novo candidato do seu partido na próxima lexislatura sen consultar.


E que iso era e é unha forma de transmitirlle que os erros en política páganse, sobre todo aqueles que se difunden con premeditación e aleivosía e atentan contra a boa saúde da economía, digamos, de quen ten o poder collido polo mango, que nunca regalan nada e tampouco ensinan nunca o seu verdadeiro rostro. E se iso é así, que ninguén asegura que o sexa, xa pode o Partido Popular buscar un novo recambio con nome de muller que é a nova moda en Europa.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Máis opinión
Opinadores

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress