Álex Bergantiños: "Despois da vitoria vese todo un pouco mellor esta semana"

O xogador coruñés apela a manter a tensión ata o final, coa sensación de que foi unha tempada "por baixo das nosas posibilidades".


|

AlexbergantinhosÁlex Bergantiños. //Fonte: RC Deportivo.


A vitoria da fin de semana foi balsámica para o Dépor. Recoñéceo Álex Bergantiños, que ve os xogadores "máis tranquilos en canto á situación a curto prazo, pero a sensación é que foi un ano por baixo das nosas posibilidades".


O xogador coruñés asegura que "é un bo momento, despois da vitoria vese todo un pouco mellor esta semana", aínda que insiste en que "non temos nada feito". "Alguén pode garantir que se perdemos todos os partidos de aquí ao final esteamos salvados? Eu creo que non, temos que ser profesionals e facer puntos, quedar o máis arriba posible porque tamén son ingresos para o club", sentenza.


"Agora temos dous partidos moi difíciles, Ral Sociedade e Real Madrid. Se non puntuamos se cadra estamos outra vez preto do descenso", advirte. Por iso apela a manter a tensión ata o final, porque "o calendario non che dá ningún tipo de marxe. Hai que non baixar a intensidade e tentar corrixir os erros, que a estas alturas de tempada é máis difícil modificar demasiadas cousas".


Sobre a súa situación persoal, recoñece que "na miña posición hai xente de moito nivel e é difícil entrar". "A nivel individual non xoguei o que me gustaría, pero tamén o entendo", recoñece, polo que esperará a final de tempada para "valorar todo con perspectiva". 

relacionada O Deportivo pagará a repatriación do corpo do mozo falecido na praia do Orzán
relacionada Joselu e Mosquera achegan o Dépor á permanencia

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE