Triacastela rexistra un terremoto de 3,5 graos

|

Triacastelaterremoto


A zona de Triacastela (Lugo) rexistrou na madrugada deste luns un terremoto de 3,5 graos na escala de Richter que se sentiu con diversa intensidade en varios municipios da provincia lucense.


Segundo a información facilitada polo Instituto Xeográfico Nacional, ás 00,37 horas deste luns rexistrouse un terremoto de 3,5 graos con epicentro en Triacastela.


O movemento sísmico sentiuse en puntos de municipios como Becerreá, Sarria e Quiroga e con algo menos de intensidade tamén se deixou notar en zonas de Chantada, Lugo e Monforte de Lemos.


Previamente, ás 23,41 horas do domingo rexistrouse outro terremoto con epicentro en Triacastela de 2,1 graos na escala de Richter, segundo os datos do Instituto Xeográfico Nacional.


O 112 Galicia sobre as 1,00 horas deste luns recibiu unha chamada dun particular veciño das aforas de Sarria para informar de que sentira un movemento sísmico, pero concretou que non sufrira danos na súa vivenda.


Posteriormente outro particular chamou ao servizo de emerxencias para indicar que notara un tremor, que posteriormente confirmou o Instituto Xeográfico Nacional.


O servizo de emerxencias 112 Galicia non ten constancia de danos como consecuencia destes movementos sísmicos.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress