O cura trasladado de Friol e Guitiriz renuncia ao seu novo destino

|

Friolguitirizparroco

Protesta dos fregueses en Lugo.


José Ramón Pérez, o sacerdote de varias parroquias dos municipios lugueses de Friol e Guitiriz trasladado recentemente a Quiroga, presentou a renuncia formal do seu novo destino ante o Arcebispado de Lugo.


Así o destacou o colectivo veciñal que desde hai semanas realiza manifestacións para reclamar a volta do párroco ás parroquias de Friol e Guitiriz. Este domingo, 150 veciños desprazáronse a Quiroga para arroupar a José Ramón Pérez durante a misa dominical oficiada na parroquia de San Clodio.


Alí, o cura expresou publicamente o seu rexeitamento ao trasladado "forzoso" que, como lembrou o colectivo, "causou un profundo malestar entre a totalidade dos veciños de Friol e Guitiriz".


Unha decisión que consideran que "non ten fundamento algún", polo que reivindican que o Arcebispado dea volta atrás e José Ramón Pérez retorne ás parroquias onde oficiaba misas desde hai anos.


"D. José Ramón fai constar unha vez máis o desacordo coa decisión do Sr. Bispo, xa que no seu momento tamén desmentiu publicamente o comunicado do Bispado onde dicían que o traslado fora acordado co propio párroco, neste pronunciamiento deixa ver que está en contra de exercer noutros lugares que non sexan nas parroquias onde exercía anteriormente", remarcou o colectivo veciñal no seu comunicado.

relacionada Fregueses que cambian a misas do domingo polas mobilizacións
relacionada Friol e Guitiriz concéntranse ante o Bispado de Lugo contra o traslado do seu párroco
relacionada A Semana Santa non frea as protestas para pedir o regreso de Don Ramón

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress