Ampla representación de Galicia na Feira do Queixo de Taramundi

O Concello de Taramundi en colaboración coa consellería de Desenvolvemento rural e recursos naturais celebrou a XXII Feira do Queixo e Produtos Locais de Taramundi.

Déronse cita nesta feira máis de 40 expositores, cunha ampla representación de queixerías artesanais de Asturias, Galicia, Cantabria, Castela e Estremadura.

Entre os queixos presentes na feira destacan os que teñen recoñecida unha DOP (Denominación de orixe protexida) coma o queixo Cabrales, Gamoneu, Afuega'l Pitu, Queixo Casín Los Beyos, Tetilla, Arzúa-Ulloa, San Simón da Costa, Torta del Casar, Queixo do Cebreiro, Quesucos de Liébana, Picón Bejes-Tresviso.

Houbo máis variedade de queixos que en edicións anteriores. Tamén viño DOP Cangas e cervexa artesanal. Entre os produtos locais, ademais das artesanía tradicional da zona de coitelos e navallas, tear e coiro puidéronse comprar produtos agroalimentarios do concello como pan, bolos preñados, empanadas, mel, ovos camperos, sidra, marmeladas e zume de arándanos.

Entre as actividades que se realizaron durante a feira destaca o taller de elaboración de queixos a cargo da quesería artesanal Eo-Leche Taramundi.