O Celta, máis preto da semifinal europea tras o seu triunfo ante o Genk (3-2)

|


Eliminatoriacelta

// celtadevigo.net


O Celta impúxose ao Genk (3-1) na ida dos cuartos de final da Europa League e así pon un pé nas semifinais da competición europea por primeira vez na súa historia.


O equipo de Berizzo tivo que repoñerse dun primeiro gol en frío, a só 10 minutos de dar comezo o encontro, no que ambos os equipos vestían os seus segundos equipamentos por imposición da UEFA.


Con todo, este primeiro obstáculo serviu ao Celta para coller impulso e, lonxe de amedrentarse, os vigueses crecéronse ante os belgas.


Pione Sisto serviu o primeiro gol no minuto 15, cunha xogada entre Radoja, Guidetti e o extremo danés. No 17 chegou o segundo de Iago Aspas, o que puxo aínda máis interesante o encontro ao sumar tres goles no espazo de 20 minutos.


E no minuto 38 chegaba o terceiro gol do encontro, esta vez de Guidetti. O marcador 3-1 a favor dos celestes era idóneo para viaxar a Bélxica, pero o Genk marcou o seu segundo gol na segunda metade do partido, cun Buffel recén entrado no terreo de xogo, reducindo así distancias e axustando máis a eliminatoria (3-2).


O Celta seguiu buscando o cuarto gol cun intento de Aspas que foi a pau e outro intento de gol de Mallo. O final do partido chegou co marcador 3-2 a favor do Celta, que está máis preto que nunca de facer historia e coarse nas semifinais da Europa League. Os de Berizzo veranse as caras co Genk no partido de volta dentro de sete días

relacionada O Celta perde e descólgase da loita polos postos europeos
relacionada Mouriño anuncia que o Celta se vai de Vigo: "Bótannos, non hai retorno"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress