O software libre conquista as empresas galegas

Máis do 85 por cento das empresas con 10 ou máis traballadores e a metade das microempresas galegas empregan software libre, mentres as medianas e grandes empresas galegas superan a media estatal no seu uso.

Son datos do Observatorio da Sociedade da Información e a Modernización de Galicia, adscrito á Axencia para a Modernización Tecnolóxica de Galicia (Amtega), que revelan que esta última tipoloxía de empresas sitúa a Galicia no noveno posto do ránking estatal, por diante de comunidades como Madrid, Catalunya e Euskadi.

Entre a información achegada pola Xunta nun comunicado remitido aos medios destaca que as aplicacións libres con maior implantación no tecido empresarial galego son os navegadores da internet e as aplicacións ofimáticas libres. A principal fortaleza do software libre para as empresas é, por suposto, o seu custo cero.