Non hai condutores para as motobombas no servizo de extinción en Lugo

|

Incendioforestalmotobomba 1


O delegado de UGT de persoal laboral do servizo de defensa contra incendios de Lugo, José Manuel Pérez, alertou este martes de que "non hai condutores para as motobombas".


Coa vista posta no bo tempo que acompaña esta semana Santa, Pérez subliñou que "sería preciso todo o persoal". "Como mínimo o persoal de verán das campañas de alto risco que debería de estar a traballar nesta época en traballos de prevención e de extinción", considerou. "Vista a climatoloxía é imprevisible as épocas dos incendios", segundo avisa.


En canto aos medios materiais, constatou que teñen "os propios do servizo, as motobombas están pero non hai condutores para elas". "As cuadrillas non temos ningún tipo de medios máis que o físico", lamentou.


José Manuel Pérez puxo de manifesto que en Lugo cobren "quendas moi xustas, hai baixas sen cubrir e xente de vacacións". "Polo que estamos baixo mínimos", concretou.


Respecto diso, reclamou "unha ampliación de medios" materiais e humanos e empraza a que se despregue o mesmo número de efectivos, ao redor de 7.000, das campañas de alto de risco do verán.


"Se tivésemos un persoal amplo dentro dos servizos poderíanse facer moitos traballos de prevención e tamén de extinción", resolveu o delegado de UGT do servizo contra incendios de Lugo.

relacionada A Xunta saca a licitación o aluguer de 57 vehículos para as brigadas antiincendios
relacionada O PP rexeita ampliar os contratos de tres a nove meses aos traballadores antiincendios
relacionada Galicia non está equipada para a desestacionalización do lume

1 Comentarios

1

Grazas polo artigo. Non podemos estar en alto risco, con Ourense ardendo todolos días e sen conductores, coas casetas de vixiancia cerradas, etc.

escrito por Un comentario 13/Abr/17    16:06 h.

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress