Galicia recibiu "un 23%" máis de viaxeiros portugueses en 2016

|

Avionaeropuertovolarturismo


Turismo de Galicia está presente ao longo desta fin de semana na feira organizada en Lisboa por Viagens Abreu, o maior operador turístico do país luso, o principal mercado para o sector turístico galego que creceu "un 23%" en volume de viaxeiros en 2016.


Galicia é un dos países convidados a participar nesta feira xunto a axentes da propia compañía e varios destinos de diferentes lugares do mundo, segundo informou a Xunta este sábado.


Cada ano, Viagens Abreu organiza en Lisboa esta feira para presentar "as novidades no ámbito das viaxes turísticas e dar a oportunidade a diferentes destinos de presentar a súa oferta ao público".


O portugués é o principal mercado internacional para Galicia no sector turístico, cunha cota do 17% do total grazas aos 225.000 viaxeiros aloxados o pasado ano con 390.000 pernoitas "nos establecementos regrados" da comunidade galega.


Así, respecto dos datos de 2015, o mercado portugués aumentou nun 23% a cifra de viaxeiros aloxados e nun 21% o número de noites de 2015. Deste xeito, o mercado luso acumula tres anos de crecemento e alcanzou o seu máximo histórico en 2016.


CASTRO, NO ROSAL


Por outra banda, a directora de Turismo de Galicia, Nava Castro, inaugurou este sábado no Rosal (Pontevedra) a área de recepción de visitantes e aparcadeiro de Os Muíños do Folón e do Picón, que contou coa achega da Xunta dun total "de 250.000".


Alí, segundo informou o Executivo galego, Castro enxalzou este conxunto patrimonial, declarado Ben de Interese Cultural (BIC), que constitúe "un complexo histórico, etnográfico e industrial único en Europa".

relacionada Expertos impulsan un decálogo para "equilibrar" a incidencia do turismo no patrimonio
relacionada Feijóo anuncia unha lei de augas termais para a provincia de Ourense
relacionada Galicia quere acadar en 2020 seis millóns de visitantes

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress