Esteban García Vilasánchez releva ao impopular Revuelta á fronte de Navantia

|

Navantia 4


O Consello de SEPI nomeou presidente de Navantia a Esteban García Vilasánchez, que conta con unha ampla experiencia no sector naval e era anteriormente o director de Programas da compañía, informou a sociedade.


García Vilasánchez releva no cargo ao impopular José Manuel Revuelta, quen solicitara a súa substitución á presidenta de SEPI, Pilar Platero, ao considerar que pecha unha etapa na que se conseguiron novos contratos e se promoveu un plan de transformación que agora debe consolidarse co Plan Estratéxico para a compañía.


O novo presidente de Navantia iniciou a súa carreira profesional en 1990 na área 'Offshore' do grupo, alcanzando en 2004 o posto de director de Reparacións de Ferrol-Fene.


En 2009 foi nomeado director do estaleiro de construción naval de Ferrol-Fene intervindo no programa de fragatas para Noruega, as fragatas F100 e o LHD Juan Carlos I para a Armada Española e o programa LHD para a Armada Australiana. En 2012 foi nomeado director Industrial de Navantia e posteriormente director de Programas, cargo que ostentou ata a actualidade.


Á fronte de Navantia, García Vilasánchez deberá abordar o novo Plan Estratéxico para a empresa que está a ser impulsado por SEPI "coa finalidade de reforzar a eficiencia e sustentabilidade da compañía, potenciando o seu impacto sobre as áreas económicas onde se sitúan os seus estaleiros", sinalou o holding público.


OPOSICIÓN A REVUELTA


Os sindicatos dos traballadores de Navantia, e nomeadamente CCOO, mostraran publicamente e en numerosas ocasións a súa oposición e a do resto de integrantes a que o agora expresidente da compañía naval pública continuase no cargo. Aseguraban que Revuelta era "o cancro máis importante da compañía" e acusábano de "non escoitar aos traballadores"


CCOO argumentaba en contra de Revuelta que fose un "tecnócrata" e carecese de "coñecementos do sector naval". Tildábano ademais de "inútil" á vez que afirmaban a través do seu representante, Javier Galán, que "o Partido Popular no seu momento non tiña a quen colocar nas empresas públicas"

relacionada O comité de Navantia Ferrol acusa ao actual presidente de ser "o cancro" da compañía
relacionada O Goberno cre que sobran traballadores en Navantia e anuncia despedimentos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress