​O PSdeG critica que a Xunta salva aos colexios concertados dos recortes

|

Uniformecolegio


O portavoz de Educación do Grupo Socialista, Luís Álvarez, denunciou que a orde da Xunta que regula os concertos educativos busca "blindar" aos centros concertados dos recortes ante a "caída de máis de 9.000 alumnos" de infantil "prevista ata 2020".


Así o denunciou o parlamentario socialista nunha roda de prensa ofrecida este xoves, na que presentou unha serie de iniciativas sobre a decisión de ampliar estes contratos durante seis anos.


Nesta etapa, sinalou, "os colexios concertados estarán a salvo dos recortes que si terá que asumir o ensino público e que poderán chegar a supoñer unha redución de 371 unidades só en infantil" e, "grazas ao Goberno galego, só na educación pública".


Álvarez explicou que fixo este cálculo en base ás previsións do Instituto Galego de Estatística (IGE), que prevé unha caída de 2.450 nenos de tres anos, outros 3.089 de catro e 3.765 máis de cinco entre 2017 e 2022.


O parlamentario socialista lamentou que o Goberno galego teña xa "a decisión tomada" de protexer este tipo de educación que, na súa opinión, "encaixa na súa forma de entender o ensino". Ademais, augurou que o PP "non cambiará" a súa política, "por moito que se lle reclame un consenso necesario e saudable para o sector educativo e para toda a sociedade".


RECORTES


Luís Álvarez comparou os seus datos cos resultados dos recortes aplicados polo Goberno do PP entre 2009 e 2015 aos centros públicos, nos que, conforme denunciou, "perdéronse 274 unidades". "Na mesma etapa e no mesmo contexto económico os centros concertados incrementaron a súa carteira en 21 unidades", censurou.


Ante iso, o deputado do PSdeG asegurou que o Goberno de Feijóo acaba de tomar unha decisión "similar" á que tomou o goberno de Manuel Fraga para "blindar os concertos" cando estaba en funcións. Este feito, recordou, "impediu calquera modificación ata o 2009", durante a etapa do bipartito.

relacionada A CIG critica que a Xunta "blinde" 1.550 millóns en concertos a centros privados
relacionada Luz verde ao decreto lei que permite a Galicia convocar 1.043 prazas docentes

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress