El Corte Inglés poderá selar as credenciais oficiais dos peregrinos

A empresa conta con preto de 60 establecementos nas poboacións por onde pasan as rutas do Camiño de Santiago.


|

Peregrinossantiago


El Corte Inglés chegou a un acordo co Cabildo da Catedral de Santiago para colaborar na promoción do Camiño de Santiago e poderá selar as credenciais oficiais que certifican o paso dos peregrinos polas distintas poboacións das Rutas Xacobeas.


Segundo este acordo, El Corte Inglés dispoñerá, nos seus centros situados nas poboacións por onde pasan esas rutas, de puntos de información, selado e entrega de credenciais aos peregrinos.


Credencialperegrinoelcorteingles

Así mesmo, nos seus centros nestas poboacións, El Corte Inglés destinará un espazo a modo de punto de encontro, información e acreditación dos peregrinos, onde se promocionarán e divulgarán os diferentes Camiños.


A implantación de El Corte Inglés no territorio nacional fai que moitos dos seus establecementos, preto de 60, estean situados en diferentes poboacións por onde pasan os Camiños, tanto no Camiño Francés, Portugués, do Norte, Primitivo e Inglés, como na Vía da Prata.


Nos espazos de Ámbito Cultural das diferentes cidades poderanse organizar actos divulgativos e culturais que promocionen os valores do Camiño de Santiago, conferencias, presentacións de libros, exposicións ou proxeccións, co fin de destacar as vinculacións e particularidades dos distintos territorios co Camiño de Santiago.

relacionada O Camiño de Santiago, protagonista en Fitur tras un ano "record" de peregrinos
relacionada O último bar do Camiño está de 30 aniversario

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE