O alcalde de Ferrol recoñece que concibía En Marea como unha organización "diferente"

|

Jorgesuarezalcaldeferrol


O alcalde de Ferrol, Jorge Suárez (FeC), manifestou, despois de que Luís Villares asumise a portavocía de En Marea, que, os alcaldes das mareas municipalistas que gobernan nalgunhas das principais cidades galegas (el mesmo, Martiño Noriega --Santiago-- e Xulio Ferreiro --A Coruña--) pensaban inicialmente "nun tipo de organización diferente".


"Cando iniciamos un manifesto por parte dos tres alcaldes, --Santiago, A Coruña e Ferrol --, que culminou na asemblea de Vigo, pensabamos nun tipo de organización diferente", remarcou o rexedor, quen asegurou ter "moita estima persoal e aprecio" a Villares.


Con todo, advertiu que, se se busca "facer políticas distintas e demostrar" que En Marea é "unha organización diferente", deberíanse asumir "os compromisos acordados nunha asemblea e tamén establecer unha forma diferente" de organización.


"Coa experiencia que temos aquí, sempre acabamos falando das formas, que tipo de partido e do debate interno, algo que non nos conduce a nada, e onde realmente o que temos que facer é política e non tanto formalismo", reflexionou.


De todos os xeitos, Suárez tamén recoñeceu que, ante a situación política que el ten no ámbito local, afastouse " un tanto do proceso" interno de En Marea.

relacionada Villares queda como único portavoz de En Marea
relacionada Beiras: "Villares foi unha persoa atraída para que entrase no combate político"
relacionada Ferreiro, descontento coa elección da coordinadora de En Marea

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress