Manzaneda sofre o primeiro gran incendio do mes de abril en Galicia
Comezou pasado o mediodía deste domingo e estendeuse rapidamente ata superar as 125 hectáreas. Quedou extinguido pola noite.
Un incendio forestal declarado na tarde do domingo na parroquia de Placín do municipio ourensán de Manzaneda quedou extinguido tras queimar unhas 125 hectáreas de monte raso.
Segundo informou a Consellería do Medio Rural, o lume que comezou ás 15,05 horas do domingo quedou extinguido ás 23,00 horas da mesma xornada. As últimas estimacións apuntadas por Medio Rural sitúan a superficie afectada por este incendio forestal en 125 hectáreas de monte raso.
Nos traballos de extinción participaron tres axentes, 15 brigadas, cinco motombombas e seis helicópteros.
Segundo incendio en 24 horas no parque natural Baixa Limia-Xurés
Extinguidos os incendios de Quiroga e Viana do Bolo tras queimar 80 hectáreas
O goteo de incendios forestais continúa ás portas da primavera
Escribe o teu comentario