A Garda Civil retoma os interrogatorios a testemuñas da desaparición de Diana Quer

|

Dianaquer


O delegado do Goberno en Galicia, Santiago Villanueva, confirmou este xoves en Lugo que a Garda Civil retoma os interrogatorios a "distintas testemuñas" sobre a desaparición na Pobra do Caramiñal de Diana Quer.


Neste sentido, Villanueva apuntou, a preguntas dos medios, que "continúan" as pescudas, "pero ao estar abertos os distintos supostos por parte da Garda Civil e dos servizos centrais e por parte dos servizos autonómicos da Garda Civil colabórase con outras policías doutros lugares do mundo, a través da Interpol".


Dito isto, reiterou que "todas as vías están abertas", á vez que confirmou que lera as declaracións da nai da desaparecida que sitúan á súa filla nos Estados Unidos. "Non hai nada pechado, séguese investigando pero non hai nada neste momento que eu poida indicar que as investigacións teñen unha prioridade cara a un lado ou cara a outro", puntualizou.


Santiago Villanueva insistiu en que "se segue investigando, retomando as declaracións de distintas testemuñas e analizando a multitude de probas que van desde as cámaras, os móbiles vinculados, os móbiles que non están vinculados, circulación de vehículos".


CRUZAR DATOS


"Hai unha multitude de datos que obran en poder da Garda Civil e estamos na fase de cruzar eses datos para, en función dos resultados, priorizar ou non unha investigación", resolveu.


Deste xeito, declinou estenderse máis, ao ampararse en que a investigación "está baixo segredo de sumario". "E como é obvio para os investigadores, e para a familia calquera dato que se poida achegar e que poida poñer en perigo a investigación non sería positivo", concluíu.

relacionada A nai de Diana Quer cre que a súa filla pode estar en EEUU por "motivos persoais"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress