Vítimas do Alvia piden a González e Zapatero o apoio do PSOE

A plataforma concentrouse ás portas do Ifema de Madrid e entregaron folletos informativos aos ex presidentes, no seu intento de que se abra unha comisión de investigación.


|

Victimasalviaifema


A Plataforma de Vítimas do tren Alvia de Santiago de Compostela concentrouse esta mañá ás portas do pavillón de Ifema de Madrid, onde este domingo tivo lugar o lanzamento da candidatura da presidenta da Junta de Andalucía, Susana Díaz, para as primarias do PSOE.


Alí, membros da plataforma abordaron á súa chegada ao recinto aos ex presidentes do Goberno Felipe González e José Luis Rodríguez Zapatero para pedirlles o seu apoio para a creación dunha comisión de investigación parlamentaria sobre as posibles responsabilidades políticas no accidente do tren Alvia rexistrado na capital galega o 24 de xullo de 2013 que custou a vida a 80 persoas e deixou 144 feridos.


Segundo recolle un vídeo difundido pola plataforma en redes sociais, membros do colectivo de vítimas entregaron folletos informativos aos ex presidentes socialistas para reclamarlles que o grupo parlamentario do PSOE no Congreso apoie a creación dunha comisión de investigación sobre as causas do sinistro.


Membros da plataforma pediron a González e Zapatero coñecer "a verdade" e que se faga "xustiza". Os expresidentes arrouparon este domingo en Madrid a presidenta andaluza, Susana Díaz, na presentación da súa campaña para as primarias do PSOE, onde compite co ex secretario xeral socialista Pedro Sánchez e o ex lehendakari Patxi López.

relacionada Dirixentes históricos e presentes arroupan a Susana Díaz no seu paso adiante
relacionada Adif recorre a imputación do seu ex xefe de seguridade polo accidente do Alvia

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE