O xuíz rexeita a suspensión da declaración de Cortabitarte, como reclamaba Adif
O maxistrado estima que non procede a suspensión da declaración do investigado, que xa foi aprazada e está fixada para o próximo 4 de abril.
O titular do Xulgado de Instrución número 3 de Santiago, Andrés Lago Louro, rexeitou a suspensión da declaración do cargo de Adif ao que citou como investigado polos supostos delitos de homicidio e lesións na causa que investiga o accidente do tren Alvia en Angrois, en xullo de 2013.
Nunha providencia con data de este 24 de marzo, o xuíz admite a trámite, pero nun só efecto, os recursos presentados tanto polo avogado do exdirector de seguridade na circulación investigado, Andrés Cortabitarte, como polo Avogado do Estado, en representación do administrador de infraestruturas ferroviarias (Adif).
Estima o maxistrado que non procede a suspensión da declaración do investigado, que xa foi aprazada e está fixada para o próximo 4 de abril.
Escribe o teu comentario