Adif finaliza a homoxeneización estética das estacións do Eixo Atlántico
A compañía investiu 4,3 millóns nos traballos pensados para facilitar "o acceso e o tránsito" dos usuarios.
Adif Alta Velocidade finalizou os traballos de homoxeneización estética das estacións ferroviarias do Eixo Atlántico, o que supuxo un investimento de 4,3 millóns de euros.
A actuación consistiu en aplicar ás estacións de Vilagarcía de Arousa, Redondela e Padrón-Barbanza os criterios estéticos e funcionais do resto de estacións do Eixo Atlántico.
En concreto, segundo informou Adif, os traballos centráronse nas "marquesiñas, a pavimentación e os acabados das plataformas, o revestimento dos pasos inferiores, o cerramento exterior, o mobiliario e a siñalética".
Ademais, a actuación, que foi cofinanciada con fondos comunitarios Feder, tamén facilitará "o acceso e o tránsito" dos ususarios tanto no interior coma no exterior das estacións.
Escribe o teu comentario