Chega a Betanzos unha exposición itinerante de pintura para persoas con déficit visual

|

Mirarcontacto


A Fundación María José Jove e a Obra Social 'La Caixa' expoñen en Betanzos a mostra itinerante 'Mirar conTACTO. Pintura para Discapacidade Visual', un proxecto expositivo de ambas as entidades.


O seu obxectivo é, segundo precisaron, "promover a integración das persoas con déficit visual e sensibilizar á poboación xeral, ademais de satisfacer a demanda cultural de persoas con déficit visual no campo das artes".


O alcalde de Betanzos, José Ramón García; a directora de área de Caixabank, Marta Albela; e a directora da Colección de Arte da Fundación María José Jove, Marta García-Fajardo, presentaron, no Edificio Liceo, o proxecto itinerante desta mostra.


En concreto, trátase da única exposición permanente de arte accesible de Galicia que ten a súa sede na Coruña e que culmina en Betanzos unha itinerancia que a levou ás catro provincias galegas, tralo seu paso por Pontevedra, Vilalba, Monforte de Lemos e O Carballiño.


A exposición, na que haberá sempre un monitor para guiar o percorrido, inclúe tamén un programa de actividades: para persoas con problemas de visión, para escolares ou para familias. En total son 20 as actividades deseñadas especificamente para este proxecto.

relacionada Obra Social 'La Caixa' e Viaqua celebran 10 anos promovendo a inclusión sociolaboral en Galicia
relacionada A Obra Social La Caixa aumenta o seu orzamento ata 510 millóns en 2017

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress