Falece un condutor que saíu da vía en Avión
O helicóptero medicalizado con base en Ourense mobilizouse ao lugar, pero o home non puido ser reanimado.
Un home faleceu na mañá deste mércores nun accidente de tráfico rexistrado ao saír da vía un vehículo no municipio de Avión.
Segundo informou o 112 Galicia a Europa Press, a saída de vía tivo lugar sobre as 9,00 horas na estrada de Beariz a Avión ao seu paso polo segundo termo municipal.
Un particular alertou do sinistro e indicou que había un home dentro do vehículo accidentado, para o que pedían asistencia sanitaria. Por iso, foi mobilizado o helicóptero medicalizado con base en Ourense, que se desprazou ao momento.
Ademais do 061, que enviou un médico de Atención Primaria e unha ambulancia asistencial ao lugar, foron informados a Garda Civil de Tráfico e o GES de Avión.
Tras practicarlle ao home, M.G.J.R., de 71 anos, as manobras de reanimación cardiopulmonar no punto, o persoal sanitario confirmou o seu falecemento no lugar, segundo indicaron fontes sanitarias.
Escribe o teu comentario