Regresa a casa o veciño que buscaban no Irixo
O home de 42 anos, que sofre unha discapacidade mental grave, volveu pasada a medianoite "en perfecto estado".
O home de 42 anos veciño de Trabazón, no concello ourensán do Irixo, que buscaban o luns, regresou pasada a medianoite deste martes á súa casa.
Segundo informou a Europa Press fontes da Garda Civil, o home regresou sobre as 00,30 horas deste martes á súa vivenda "en perfecto estado".
O luns habilitouse un dispositivo de procura deste home, que padece unha discapacidade mental grave e estaba desaparecido desde as 19,00 horas. Axentes do Instituto Armado e cans do Servizo Cinolóxico participaron nas tarefas de rastrexo.
Escribe o teu comentario