López reivindica a súa centralidade fronte ao "choque de trens" entre Díaz e Sánchez

|

Actoprecampaapatxilopez


O precandidato á Secretaría Xeral do PSOE Patxi López eliminou este sábado toda "sombra de dúbida" do procedemento marcado pola xestora do partido para elixir o seu líder.


"Eu non vou poñer ningunha sombra de dúbida sobre o procedemento, nin sobre os censos, que estou seguro que son correctos, nin sobre as contas nin sobre o procedemento de votación", manifestou nunha visita a Lugo para participar nun encontro con militantes.


Antes da reunión foi recibido pola alcaldesa de Lugo, Lara Méndez, coa que coincidiu á hora de sinalar que deben "dedicarse a debater ideas e non sobre os procedementos e, moito menos, sementar dúbidas sobre eles".


A Patxi López parécelle "ben" que a xestora propuxese aos candidatos abrir unha conta na que se determinen as doazóns e gastos "para axustarse á legalidade", medida que cuestiona a candidatura de Pedro Sánchez.


XESTORA GALEGA


Con respecto a Galicia, Patxi López rexeitou a posibilidade de que a xestora que preside Pilar Cancela sexa substituída agora por outra. Ao seu xuízo, é preciso "buscar unha solución definitiva". "Non podemos seguir vivindo na interinidade", considerou e defendeu "un congreso que elixa unha comisión executiva definitiva".


"Estamos nun proceso interno que ten que concluír cos tempos de interinidade en España alá onde hai xestoras. Esperamos antes de verán ter o noso armazón interno e orgánico concluído para deixar de debater entre nós e empezar a propoñer á sociedade", indicou en canto aos tempos.


"CHOQUE DE TRENS"


A respecto da súa proposta, defendeu a centralidade en base á súa percepción de que "unha inmensa maioría da militancia non quere o choque de trens", que representan Pedro Sánchez e Susana Díaz.


"A maioría da militancia preocúpase non só por quen gaña as primarias, senón polo que imos facer ao día seguinte, e o que faremos é integrar e sumar propostas os compañeiros que queremos o mellor para o partido e eu creo que beneficia o espazo de centralidade", puxo de manifesto.


Pola súa banda, a alcaldesa de Lugo, Lara Méndez, evitou sinalar que a recepción a Patxi López ante o Concello sexa unha mostra de apoio á súa candidatura no proceso de primarias do PSOE.


SÁNCHEZ ADVIRTE QUE HAI SÓ DOUS PROXECTOS


Pola súa banda Pedro Sánchez advertiu de que neste proceso "candidatos poderá haber moitos, pero proxectos de partido hai dous", o da "xestora e quen apoia á xestora", que identificou como "partido da abstención", e outro, "de esquerdas, crible," apoiado na militancia, que el defende nesta "encrucillada".


Sen mencionar á secretaria xeral do PSOE-A, Susana Díaz, que está previsto presente a súa candidatura o próximo 26 de marzo ás primarias estatais, nin ao ex presidente do Congreso dos Deputados, Patxi López, que tamén concorrerá neste proceso, Pedro Sánchez pediu un debate "sen subterfuxios" e "sempre con respecto", agregando que "ningún socialista" é o seu "adversario". Por iso "o día despois das primarias", Sánchez pediu estar "todos detrás do noso secretario xeral, unidos para gañar á dereita".


Indicou que "a algúns compañeiros e compañeiras lles resulta ata mesmo difícil dicir que somos un partido de esquerdas" mentres que el apostou por devolver ao PSOE "á senda que nunca debeu perder, que é ser un partido de esquerdas".

relacionada Patxi López trae o seu proxecto do PSOE a Lugo, Monforte de Lemos e Pontevedra

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress