A Fundación ONCE de Atención a Persoas con Xordocegueira mostra os seus 10 anos en Galicia

A Fundación ONCE de Atención a Persoas con Sordoceguera (FOAPS) presenta na Coruña os resultados dos seus dez anos de dedicación (#10AñosFOAPS) á mellora da calidade de vida das persoas con xordocegueira en España e, neste caso concreto, en Galicia.

Con motivo deste décimo aniversario, a FOAPS presentará á sociedade galega, mañá venres, 17 de marzo, ás 12:00 horas, no salón de actos da Delegación Territorial da ONCE en Galicia a realidade destas persoas baixo o lema 'Colle a miña man' (#CogeMiMano).

Asistirán o Conselleiro de Política Social da Xunta de Galicia, José Manuel Rey; a Directora Xeral de Maiores e Persoas con Discapacidade, Fabiola García; o Director Xeral de Inclusión Social, Arturo Parrado; o Presidente de FOAPS, Andrés Ramos; o Delegado Territorial da ONCE en Galicia, Manuel Martínez Pan e o Presidente do Consello Territorial, Carlos Fernández Lamigueiro, entre outras autoridades.

Ademais, Juan Rivas Mosquera, persoa con xordocegueira, contará en primeira persoa a súa experiencia no día a día, da man da súa mediadora.