Evacuada en helicóptero unha moza tras chocar unha moto e un camión en Lalín
A moza atópase en estado crítico e foi trasladada ao Complexo Hospitalario Universitario de Santiago (CHUS).
Unha moza foi evacuada en helicóptero medicalizado este martes a un centro hospitalario tras chocar unha moto e un camión no termo municipal de Lalín (Pontevedra).
Segundo os datos facilitados polo 112 Galicia a Europa Press, o sinistro tivo lugar sobre as 11,10 horas na AG-53 preto dunha rotonda de ligazón coa N-525 en Lalín.
Ao lugar acudiu o helicóptero medicalizado do 061 con base en Santiago que levou á rapaza en estado crítico ao Complexo Hospitalario Universitario de Santiago (CHUS), segundo indicaron fontes sanitarias.
Escribe o teu comentario