Extinguido un incendio forestal na Serra do Xurés tras queimar 35 hectáreas
Orixinouse en Portugal e estendeuse posteriormente ata o municipio ourensán de Entrimo, na parroquia de Pereira.
O incendio forestal que afectou ao parque natural Baixa Limia-Serra do Xurés no municipio ourensán de Entrimo quedou extinguido este martes tras arrasar unhas 35 hectáreas.
Segundo informou a Consellería do Medio Rural, o incendio orixinouse en Portugal e estendeuse posteriormente ata o municipio ourensán de Entrimo, na parroquia de Pereira.
O lume comezou sobre as 18,15 horas do luns e deuse por controlado pouco antes das 00,30 horas da madrugada deste martes, tras o que quedou extinguido ás 14,29 horas.
Segundo as estimacións do departamento de Medio Rural, a superficie afectada por este incendio foretsal situouse en 35 hectáreas de monte raso.
Nos traballos de extinción participaron seis axentes, oito brigadas e seis motobombas.
Localizan o presunto autor de numerosos lumes forestais que prendía cun chisqueiro
Un incendio forestal en Carballeda de Valdeorras arrasa 80 hectáreas en pleno marzo
Galicia non está equipada para a desestacionalización do lume
Escribe o teu comentario