O Arcebispado de Santiago nega validez das misas qe oficia unha muller na Coruña

|

Misa


O Arcebispado de Santiago negou a validez das misas que a única española membro da Asociación de Mulleres Presbíteras Católicas Romanas, Christina Moreira, asegura ofrecer na comunidade Home Novo na Coruña.


En declaracións a 'La Voz de Galicia', a muller asegurou que o dereito canónico non lle impide oficiar estas misas a pesar de que a Igrexa a excomulgou despois de ser ordenada presbítera.


En resposta ás súas manifestacións, o Arcebispado de Santiago asegura que a súa ordenación é "ilícita e inválida". "Polo que nin ela nin os fieis que a seguen celebran validamente os sacramentos nin están en comuñón coa Igrexa católica", engade.


Neste sentido, indica que a Igrexa "é un Misterio de comuñón por vontade do Pai, realizado na misión do Fillo e actualizado polo a Acción do Espírito Santo". "Desde o principio Cristo entrega o seu corpo e sangue aos Doce, como representantes seus dentro do pobo da Nova Alianza", apostila nun comunicado.


SACERDOCIO FEMININO DESCARTADO


Nel, engade tamén que a presidencia da celebración sacramental "non é, pois, un ministerio que Cristo entregase ás mulleres". Por outra banda, indica que o Papa Juan Pablo II "descartou toda posibilidade de debate dentro da Igrexa sobre a posibilidade de aceptar o sacerdocio feminino".


"Sinalou que as mulleres non poden ser sacerdotes porque o mesmo Cristo, que instituiu o Sacramento, determinou que fosen homes quen exerzan este ministerio". "O cal non significa que a muller sexa unha parte fundamental nunha Igrexa, toda ela ministerial en virtude do sacramento do bautismo", explica.


Tamén se remite á carta apostólica 'Ordinatio Sacerdotalis' na que, segundo sostén, Xoán Paulo II "explica claramente que a ordenación de mulleres non é nin será permitida porque a Igrexa non ten de ningunha maneira a facultade de darlle ás mulleres a ordenación sacerdotal e esta sentenza debe ser considerada de modo definitivo por todos os fieis da Igrexa", conclúe.


relacionada Friol e Guitiriz, en folga pola polémica do párroco
relacionada Friol non irá a misa os domingos en protesta polo traslado do seu cura

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress