En Marea cuestiona que a Xunta destine 6,7 millóns ás bonificacións na AP-9

|

Luisvillaresparlamrp


O portavoz parlamentario de En Marea, Luís Villares, advertiu de que o presidente da Xunta, Alberto Núñez Feijóo, "mente" cando afirma que o Goberno asumirá as bonificacións das peaxes da Autoestrada do Atlántico (AP-9) de Rande e A Barcala, e esgrimiu que a Xunta mantén orzada para tal fin unha partida de 6,7 millóns, pola que pediu explicacións.


"Estamos ante unha cuestión de debilidade de Feijóo ou unha das súas trampas orzamentarias", afirmou Villares nunha rolda de prensa na que lembrou que, trala reunión co ministro de Fomento, Íñigo de la Serna, o presidente trasladou que conseguira que o Goberno central asumise integramente estas bonificacións.


Así as cousas, Villares interpretou que "unha de dúas": ou "non deu resultado a reunión como dixo Feijóo ou o que está asinado no orzamento non vai destinado ao que di, como xa fixo noutras ocasións".


Desde a Consellería de Infraestruturas e Vivenda quíxose puntualizar, respecto diso, que a partida que aparece nos Orzamentos da Xunta é para sufragar a bonificación do 2016, xa que se fai a ano vencido, e que a partir de agora, o compromiso adquirido pasa porque sexa Fomento quen se faga cargo dese gasto.


"AUTOVÍA PANTASMA"


Villares tamén esixiu a Feijóo que "deixe de enganar a cidadanía co seu proxecto de autovía pantasma" da A-57, unha infraestrutura "da que xa non se fala no seu conxunto, senón por tramos" e que, pola contra, "si aparece no Boletín Oficial do Estado como autovía entre A Coruña, Santiago, Pontevedra e O Porriño".


En concreto, preguntouse como é posible que se manteña este proxecto "cuxo custo pode superar os 1.500 millóns de euros que serán pagados con diñeiro de todos", cando "o normal sería rescatar a AP-9 no seu lugar".


"Sabemos o que pasa cando non se usan as autoestradas, que creban e despois son rescatadas con diñeiro público", reflexionou, antes de advertir que o da A-57 é "un despropósito" que non debe "asumir a cidadanía" e fronte ao que En Marea presentará iniciativas. E é que, subliñou, neste tipo de situacións "as únicas beneficiadas acaban sendo as construtoras, algunhas das cales saen nos papeis de Bárcenas".

relacionada Villares: "Teremos que pagar primeiro a A-57 e logo o rescate da AP-9"
relacionada O Parlamento reclama outra vez de forma unánime o traspaso da AP-9
relacionada Tellado, sobre o traspaso da AP-9: "Non é unha demanda soberanista"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress