As farmacias militares non controlan a dispensación de psicotrópicos

|

Militaresafganistan


O Tribunal de Contas detectou deficiencias na xestión e control das prestacións farmacéuticas a cargo do Instituto Social das Forzas Armadas (ISFAS) e recomendou máis medidas de control, entre outras cousas implantar a receita electrónica e deixar de financiar medicamentos con receitas caducadas.


No informe, recollido por Europa Press, detectouse que no 31,49% das receitas analizadas (1.080 casos) houbo consumos anuais en exceso sobre as doses máximas recomendadas nos prospectos de cada medicamento, nalgúns casos por encima do 200%.


E nun total de 191 receitas de medicamentos, que conteñen sustancias psicotrópicas (o 39,54% da mostra seleccionada), non figura o número do DNI da persoa á que se dispensou o medicamento, o cal é un requisito obrigatorio.


TRES DE CADA DEZ TALONARIOS XA NON VALÍAN


Descubriuse tamén que o 30% dos talonarios dispoñibles ao 31 de decembro 2015 xa non eran válidos e que hai risco de financiamento de medicamentos a persoas que non pertencen ao colectivo.


"Nalgunhas receitas médicas concorren determinadas incidencias que deberon dar lugar á súa anulación total (por non constar a data de prescrición) ou a anulación da marxe comercial (por non constar o motivo da substitución do medicamento)", engade o Tribunal.


En canto ao cumprimento das recomendacións formuladas polo Tribunal de Contas en anteriores informes, comprobouse que o Instituto segue sen cumprir a mellora no control do consumo de medicamentos por titular e beneficiario, a detección de supostos de utilización indebida de receitas, así como a que facía referencia ao control sobre a información relativa á facturación mensual das farmacias civís.


HAI QUE CRUZAR DATOS


Así as cousas, o Tribunal de Contas avoga por contrastar, periodicamente, a base de datos do seu colectivo coa Axencia Tributaria, para determinar o nivel de ingresos dos seus beneficiarios, e co Instituto Nacional da Seguridade Social para verificar que non están acollidos a outro Réxime do Sistema da Seguridade Social.


Igualmente, recomenda "impulsar a implantación do sistema de receita médica electrónica para poder realizar un maior control sobre os medios prescriptores dos medicamentos, así como sobre a validez e dispensación das receitas".


Por último, pide mellorar os controis para a detección e prevención de consumos excesivos de medicamentos, con obxecto de lograr un uso racional dos mesmos e co fin de comprobar que nas receitas non se dea ningunha das circunstancias que constitúen causa da súa anulación.

relacionada Militares reclaman a súa inserción laboral cando cumpren 45 e van "á rúa"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress