Remata o entreacto primaveral e regresan a choiva e o frío a Galicia

Despois de dous días de temperaturas primaverais, volve facer acto de presenza a choiva. A nebulosidade foi aumentado este sábado de oeste a leste, de forma gradual, e producíronse precipitacións no conxunto de Galicia.

Este domingo chegará unha masa de aire frío procedente do Atlántico norte que será de moita inestabilidade atmosférica, segundo a información de Meteogalicia.

Os ceos estarán nubrados, con chuvascos máis frecuentes e intensos no norte e leste da comunidade, onde poderán vir acompañados de saraiba e aparello eléctrico.

A cota de neve irá descendendo ata situarse sobre os 900 metros nas últimas horas do día. As temperaturas sufrirán unha baixada entre moderada e notable, con sensación térmica de frío debido a que os ventos soprarán moderados do noroeste, con intervalos fortes no litoral norte.