Xulio Ferreiro planea unha consulta cidadá coma a de Carmena

O alcalde da Coruña encargou á asesoría xurídica un informe respecto dos pasos para seguir. Preguntará sobre o futuro do bordo litoral.


|

Ferreiroycarmena1


O alcalde da Coruña, Xulio Ferreiro, encargou ao departamento municipal de Asesoría Xurídica un informe a respecto dos pasos para seguir para poder levar a cabo unha consulta cidadá sobre o futuro dos terreos do bordo litoral da cidade, sobre os que o Consistorio iniciou un proceso negociador con Portos do Estado para garantir que a súa titularidade e xestión sexan públicas unha vez vaian perdendo os usos portuarios.


"O informe que se obteña servirá para marcar a folla de ruta a seguir para poder levar a cabo este proceso que se desenvolverá da man da cidadanía", indicou o rexedor.


A petición deste informe prodúcese despois de que a pasada semana o Consello de Administración de Porto da Coruña acordase suspender de forma temporal a poxa dos terreos do hotel Finisterre e La Solana.


"O noso obxectivo, como sempre manifestamos, é alcanzar unha solución global para a fachada atlántica da cidade que garanta a súa titularidade pública, o que tamén pasa por establecer uns criterios de ordenación adecuados para estes terreos", insistiu o alcalde.


Para iso, o informe solicitado "é clave" para "marcar os pasos" para seguir para poder levar esta consulta, que "se enmarca dentro dun proceso participado coa cidadanía que vai máis aló do propio referendo, e que pasa, ademais, pola apertura dun verdadeiro foro de debate".

relacionada Xulio Ferreiro: "Non podía ocorrer o do ano pasado"
relacionada Reunión "cordial" entre Feijóo e Ferreiro con anuncio de novos investimentos na Coruña
relacionada Ferreiro perde a cuestión de confianza

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE