O Dépor destitúe a Garitano e busca un substituto inmediato
O principal candidato é Pepe Mel, ex do Betis e do Raio, aínda que tamén soan dous ex deportivistas, Sergio e Djukic.
O pobre rexistro de resultados (5 vitorias, 9 empates e 13 derrotas entre Liga e Copa) de Gaizka Garitano terminoulle custando o posto. Veo así o consello de administración do Dépor, que este domingo decidiu prescindir do técnico vasco e buscarlle un substituto para o banco, decisión que aínda non comunicou de forma oficial.
Aínda que nunca se falou dun ultimato, era cantado que o partido ante o Leganés podía ser a pinga que colmaría o vaso da paciencia do Dépor. Menos durou a da afección, que xa a semana pasada comezou a pedir un cambio. Agora, sen apenas colchón co descenso, o pozo vese demasiado preto como para non aferrarse a mover ficha no banco.
Nas quinielas de distintos medios o mellor situado é Pepe Mel, ex do Betis e do Raio, co que ao parecer o Dépor xa está a negociar. Se falla esa carta, na baralla están tamén os ex deportivistas Sergio e Djukic, entre outros.
Escribe o teu comentario