A falta de policías nacionais en Marín deixa soa á local nalgunhas quendas
CCOO súmase ás denuncias dos sindicatos policiais e alerta de que en situacións complicadas unha única patrulla "carece de calquera tipo de apoio ou auxilio".
O sindicato CCOO sumouse á denuncia dos sindicatos do Corpo da Policía Nacional (CPN) en todo o Estado, alertando de que carecen de medios humanos suficientes para poder desenvolver as súas competencias de seguridade cidadá de forma correcta.
En concreto, segundo o sindicato, a falta de axentes nacionais na Comisaría de Marín, está obrigando á Policía Local a "asumir directamente servizos" adicionais en "condicións precarias".
"O reducido persoal de ambos os corpos víñase salvando de forma precaria cunha estreita colaboración recíproca que cubría situacións complicadas, especialmente na quenda de noite", explicou o sindicato, que fixo fincapé en que, na actualidade só a Policía Local "pode garantir os servizos mínimos dunha patrulla as 24 horas".
Isto prodúcese, ademais, "coa realización de horas extras por parte do persoal nos seus días de descanso" e, de non existir CNP ou non estar operativo, "os axentes locais carecen de calquera tipo de apoio ou auxilio".
Escribe o teu comentario