As vacinas contra a meninxite seguen chegando ás farmacias "a contagotas"
Os farmacéuticos de Lugo denuncian que o "desabastecemento" se volveu máis cru e só reciben unha dose por cada tres boticas.
O presidente do Colexio de Farmacéuticos de Lugo, Alejandro Sánchez Pérez-Mel, confirmou que segue o "desabastecemento" de vacinas contra a meninxite que, segundo asegura, chegan a "contagotas" á provincia e supoñen unha dose para cada tres boticas das 183 farmacias en Lugo.
Sánchez Pérez-Mel vinculou que se acentuou esta escasa subministración "como consecuencia de que os laboratorios fabricantes están a ter problemas na fabricación de dous lotes destas vacinas". "Co cal as unidades que chegan ao mercado nacional van ser inferiores ao que cabía esperar", apostilou.
Con respecto a 2016, comentou que o que se recibe nas farmacias "é a terceira parte". "Se xa antes non nos daba para abastecer as necesidades da poboación, agora dános moito menos", sostivo.
Nesta liña, Pérez-Mel constatou que "agora mesmo non hai para repartir entre todas as oficinas de farmacia da provincia (183) e hai algunha que queda sen elas".
Así, puntualizou que "máis ou menos chegaba unha (vacina) á semana, para cada farmacia, e agora repártese unha entre cada tres oficinas de farmacia".
Malestar social e político polos bandazos coa vacinación infantil
Ingresada unha profesora de infantil de Ferrol con meninxite
Escribe o teu comentario