Rouban na Deputación de Lugo dous vehículos e maquinaria de obras
Un dos coches apareceu sen gasolina na rotonda do HULA e outro, con diversos golpes en Rábade.
O deputado responsable de Vías e Obras na Deputación de Lugo, Argelio Fernández, cualificou de "raro" o roubo de dous vehículos e outra maquinaria, como un remolque, do parque móbil provincial na pasada madrugada e que foron posteriormente recuperados.
Uno dos coches apareceu en Rábade, nunha zona onde habitualmente abandonan os vehículos roubados, segundo fontes da investigación, que apuntaron que ese automóbil presentaba diversos "golpes".
O outro coche localizouse na rotonda do hospital Lucus Augusti que comunica coa A-6 e os investigadores dan por feito que se deixou aí ao quedar "sen gasolina".
O deputado de Vías e Obras insistiu no "raro" do caso, á vez que puntualizou que aínda non se realizou unha valoración detallada "do volume total que levaron".
Que facían 13 policías locais de Lugo na cafetería durante a súa quenda de traballo?
Escribe o teu comentario