Non se debe insultar aos Fiscais

Manuel Fernando González Iglesias

Anamagaldifiscal



A Fiscal Ana Magaldi non se engurrou e dixo con claridade e valentía que a ela, o outro día, lle chamaron "merda, fascista, vaite de Catalunya, fóra!" porque o coro de nenos cantores de Mas a tomou con esta defensora pública e a institución que representa, tralo xuízo celebrado na Audiencia de Catalunya. Outro individuo saltou o cordón de seguridade e encarouse en ton ameazante con ela, sen que os mossos fixesen nada para evitalo.


Señores do procés! así non imos a ningunha parte e o que Vds. conseguen con actos coma este é a indignación dos que cremos que a lei hai que respectala. Enténdao dunha vez por todas!: Catalunya é unha sociedade libre e democrática, e todos formamos parte da mesma, sexa cal for o noso pensamento. Ou é que algúns a queren converter noutra Irlanda do Norte?


A ningún catalán lle gusta ver sentado nun banco ao President da Generalitat, pero a moitos parécenos estupendo que todo o mundo sexa igual ante a lei e que quen xurou defendela a respecte ata as últimas consecuencias. Ese xuízo trataba desa delicada cuestión e sobre tan importante asunto aínda ha de emitir sentenza o Tribunal Superior de Catalunya, e todos, repito, todos, habémola acatar, tanto se é absolutoria, oxalá, coma se a condena inhabilita para cargos públicos os acusados. O percorrido apelatorio, se o hai, virá despois, e todo será legal.


Non entendo como un suxeito ou suxeitos poden insultar gravemente a unha Fiscal nun lugar púbico e "os gardas" non os deteñen nese mesmo instante, e moito menos, que un salte o cordón policial e non acabe esposado nun dos furgóns dos mossos. A que foron estes gardiáns da lei á Audiencia de Barcelona, a protexer só aos independentistas e aos seus líderes ou a evitar a violencia dos exaltados? E quen foi o incompetente que deu semellante orde de non deter os exaltados, se é que a deu? Xa está ben. Comézase chamando fascista e merda a un Fiscal e acábase como non quero supoñer que se acaba.


Respecto, tolerancia e liberdade para todos. E para Vd. Señora Magaldi a miña admiración e fraternal solidariedade. 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Máis opinión
Opinadores

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE