Fernando Argibay, xefe de máquinas do Senefand 1: "Vou pensar moito volver ao mar"

O galego sobrevivente relata que o pesqueiro se deu a volta en menos de cinco minutos e tivo que chegar a nado á balsa.


|

Fernandoargibaysenefand


Fernando Argibay, xefe de máquinas do Senefand 1 e único sobrevivente galego do naufraxio do buque, narrou este martes ante os medios os angustiosos minutos vividos durante o suceso e a travesía de tres días á deriva que sufriu, xunto con sete compañeiros, ata que foron rescatados, algo que o deixou "moralmente decaído". "Vou pensar moito volver ao mar", sentenciou.


Á súa chegada desde Senegal a Galicia, o mariñeiro moañés agradeceu o apoio recibido por parte da armadora viguesa, Profand, as autoridades e as empresas que "deixaron os seus barcos" para que os buscasen despois do afundimento do Profand 1, sucedido o pasado 8 de febreiro.


Argibay atribuíu o suceso ao "gran peso" da carga, que provocou que o barco "zozobrase" a última hora do pasado mércores. O buque deu completamente a volta "en cinco minutos" e, despois de media hora, afundiu .


Sobre a quilla do barco, o xefe de máquinas quedou co engraxador, único que levaba chaleco, e outro mariñeiro, aos que animou a "dar o todo polo todo" e nadar ata as balsas "como fose", pero non conseguiron chegar.

relacionada O pesqueiro afundido en Senegal puido ir a pique por sobrepeso
relacionada Buscan tres tripulantes dun pesqueiro afundido o venres en Senegal

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE