Rexeitan o excarceramento a dous exdirectivos de Novacaixagalicia

A Audiencia Nacional vén de rexeitar os recursos de súplica contra o ingreso en prisión presentados por dous dos cinco membros da cúpula de Novacaixagalicia (NCG) que foron condenados a dous anos de cárcere polo cobro de indemnizacións millonarias que se concederon a si mesmos antes de abandonar a entidade e que alcanzaron os 22 millóns de euros. Os cinco atópanse en prisión desde o pasado 16 de xaneiro.

Trátase do expresidente de Caixanova Xulio Fernández Gayoso e o asesor xurídico Ricardo Pradas, quen se atopa en prisión tras ordenalo a Audiencia Nacional ao ter en conta que ningún dos condenados devolvera as cantidades polas que foron condenados na sentenza que xa foi declarada firme polo Tribunal Supremo.

Nos autos, dados a coñecer este martes, a Audiencia rexeita os recursos de ambos os exdirectivos pola súa "actitude renuente a manter os pronunciamientos da Sala e a recoñecer a súa culpabilidade, o que xera alarma social".