O temporal obriga a desviar dous voos e cancelar outro con destino Vigo
O forte vento obrigou a cancelar estes voos que tiñan prevista a súa chegada a Peinador ao longo do día de hoxe.
O temporal de vento obrigou a desviar dous avións con orixe en Madrid e destino ao Aeroporto de Vigo, mentres que un terceiro avión que prevía despegar de Bilbao cara á cidade olívica foi cancelado.
Tal e como informaron fontes de Aena a Europa Press, a primeira incidencia produciuse no voo de Air Europa procedente de Madrid que tiña como hora prevista de chegada a Peinador as 8,55 horas deste xoves. Como consecuencia do mal tempo, o avión tivo que regresar á capital.
Así mesmo, o voo de Air Nostrum que debía aterrar en Vigo ás 10,55 horas, foi cancelado e non chegou a despegar de Bilbao. Finalmente, o avión de Iberia procedente de Madrid que debía aterrar a as 12,30 horas en Peinador, tivo que ser desviado ao aeroporto de Santiago.
Unha compañía aérea dedica un avión a Rosalía de Castro
Escribe o teu comentario