O lacón con grelos tomará A Coruña a final de febreiro

A cidade celebrará as súas segundas xornadas gastronómicas con ese prato como protagonista. Participan 32 establecementos e impartiranse talleres para nenos e adultos.


|

Laconicascoruna


A Coruña acollerá do 20 de febreiro ao 5 de marzo a segunda edición das xornadas gastronómicas do lacón con grelos, na que participan 32 establecementos da cidade, segundo informou o concelleiro de Emprego e Economía Social, Alberto Lema.


Na súa presentación, explicou que o certame se completará con talleres para persoas adultas e menores que se celebrarán nos mercados da praza de Lugo e de San Agustín. Tamén haberá actividades relacionadas cos pratos típicos do entroido que terán lugar en ambos os mercados.


O concelleiro de Economía Social sinalou que esta segunda edición é "unha forma inmellorable de comezar un ano cheo de eventos gastronómicos que poden xerar un importante polo de atracción turística".


Tamén destacou que o obxectivo dos establecementos participantes é ofrecer "un menú de carácter tradicional" nestas datas. Por outra banda, lembrou que, a esta proposta, sumarase do 12 ao 14 de marzo, a celebración do Fórum Gastronómico.

relacionada Convocada para o 11 de marzo a cuarta edición do Día Internacional do Cocido
relacionada A Ruta gastronómica da Lamprea recibe o premio Excelencias Gourmet en Fitur

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE