Ser profesor, o traballo máis ilusionante para os galegos

Ser profesor é a profesión que máis ilusiona aos galegos, segundo os resultados do V Barómetro Cofidis da Ilusión, cuxo obxectivo é cuantificar o índice de ilusión dos españois.

Así, o 11% dos galegos considera que ser profesor é a profesión que máis lles ilusiona, un traballo que se mantén no primeiro lugar do ránking de profesións pero que perde un 1%.

Xunto con ser profesor, pechan o podio das "profesións máis ilusionantes" en Galicia a de piloto de avión (5%) e bombeiro (4%). Outros empregos que ilusionan aos galegos son enxeñeiro (4%), albanel (4%) e policía (4%).

En menor porcentaxe, ser informático, perruqueiro, psicólogo (3%) e pintor (2%) tamén forman parte do Top10 dos galegos en canto a profesións. Segundo os datos do Barómetro deste ano, conseguir un traballo é un dos proxectos principais para o 13% da poboación galega.