Un condutor atropela dúas persoas en Sanxenxo e dáse á fuga
O vehículo non detivo a marcha a pesar de deixar unha persoa ferida. O suceso produciuse na estrada de Adina.
Unha persoa resultou ferida. //Foto: @SLXE_Sanxenxo
Dúas persoas foron atropeladas a última hora deste domingo por un turismo que non detivo a marcha no municipio pontevedrés de Sanxenxo.
Segundo a información do CAE 112-Galicia, o suceso ocorreu pasadas as 19,00 horas na estrada de Adina, EP-9206, ao seu paso polo lugar da Xesteiriña. Os membros do servizo de emerxencias da localidade indicaron que o vehículo continuou ao seu destino tras arroiar as dúas persoas.
Ata a zona desprazáronse efectivos da Garda Civil de Tráfico, os Bombeiros do Salnés e persoal sanitario do 061 para asistir a unha das persoas atropeladas, que resultou ferida.
Un ferido grave en Vigo ao ser atropelado por un condutor bebido
Unha nena de nove anos resulta ferida nun atropelo en Ourense
Escribe o teu comentario