Sés esgota as entradas na Coruña, Narón e Ourense e recala en Vigo
Continúa a xira de presentación do seu novo traballo, 'Opoñerse á extinción", que terá datas en Madrid e Bilbao.
Sés continúa a xira de presentación do seu novo traballo, 'Opoñerse á extinción', o vindeiro sábado 4 de febreiro en Vigo, concretamente no Auditorio do Mar. Faino despois de esgotar as entradas na Coruña, Narón e Ourense.
Ademais, ofrecerá outros dous concertos no mes de febreiro, uno o 11 de febreiro no Pazo da Cultura de Pontevedra e outro o 18 no auditorio municipal de Burela. Logo dará senllos concertos en Madrid e Bilbao.
As entradas para este concerto poden comprarse na plataforma Ticketea, segundo indicaron nun comunicado desde Komunika Kultura.
'Opoñerse á extinción' é o cuarto álbum de Sés --María Xosé Silvar--, que segue sendo "pura forza, inconformismo e paixón". Nel segue a liña do seu inconfundible estilo, que a levou a converterse nunha das artistas máis relevantes do país nos últimos anos.
"Creo que é un traballo humilde, sincero e profundamente namorado da cultura á que pertence. É un disco de amor", explicou a propia Sés.
Ses ofrecerá un concerto en Ourense tras esgotar entradas na Coruña e Narón
Escribe o teu comentario