Buscan a cinco encapuchados que asaltaron un matrimonio octoxenario en Allariz
Os ladróns levaron uns 3.000 euros da casa | A garda civil mantén aberta unha investigación para localizar os asaltantes.
A Garda Civil mantén aberta unha investigación para identificar e localizar os cinco asaltantes dun matrimonio de octoxenarios aos que maniataron e roubaron na súa vivenda no municipio de Allariz (Ourense).
Segundo informaron a Europa Press fontes da investigación, sobre as 19,30 horas do luns os asaltantes entraron co home octoxenario na súa vivenda na parroquia de San Mamede, en Allariz.
As vítimas relataron que foron atados de mans polos asaltantes e ao home, que se dedica a cría e venda de porcos, golpeárono para esixirlle máis diñeiro, segundo indicaron as mesmas fontes. Finalmente, os ladróns levaron uns 3.000 euros da casa.
Os cinco asaltantes ían encapuchados e tiñan acento galego, segundo indicaron as vítimas aos axentes. Por iso, a Garda Civil mantén aberta unha investigación para localizalos.
Escribe o teu comentario