O novo sistema de financiamento autonómico aprobarase este ano
Sobre a harmonización fiscal entre comunidades non se chegou a ningún compromiso máis aló de estudar o asunto coa propia reforma do sistema.
A VI Conferencia de Presidentes acordou este martes que o novo sistema de financiamento autonómico estea aprobado este ano, unha vez que os traballos para elaboralo comezarán dentro dun mes, cando se constitúa a comisión de expertos con participantes de todas as administracións.
Así o explicou nunha conversación informal con xornalistas o presidente da Junta de Extremadura, Guillermo Fernández-Vara. Na Conferencia xa estaba previsto aprobar un pacto para preparar un novo sistema de financiamento, pero hoxe incluíuse o compromiso de que se aprobe en 2017.
Doutra banda, sobre a harmonización fiscal entre comunidades que reclaman algúns presidentes autonómicos, non se chegou a ningún compromiso máis aló de estudar o asunto coa propia reforma do sistema.
Escribe o teu comentario