​Rouban dunha batea os berberechos que criaban para proxecto de investigación

Pertencían ao Centro de Investigacións Mariñas, que terá que volver comezar o estudo relacionado coa resistencia a un parasito.


|

Bateariasbaixas


A Consellería do Mar lamentou este mércores o roubo de varios lotes de berberecho producidos nas instalacións do Centro de Investigacións Mariñas (CIMA) e que formaban parte dun proxecto de investigación relacionado coa resistencia ao parasito Marteilia Cochillia.


Os lotes roubados, ao redor de 1.000 individuos, estaban na fase final experimental de engorde nunha batea situada na ría de Arousa e a súa falta detectouse o martes, cando os técnicos do CIMA procedían a efectuar a mostraxe correspondente ao mes de decembro.


A consellería lamentou este suceso que "interrompe o desenvolvemento deste proxecto de investigación", o que supón "unha perda de información e de valor no ámbito da investigación relacionada coa resistencia" deste parasito e "ter que volver comezar coa fase de cultivo".


O proxecto de investigación empezou a desenvolverse a finais do ano 2014 e ten unha duración de 27 meses. O seu obxectivo é a posta a piques das técnicas de cultivo en criadeiro destas dúas especies de berberecho para, a curto ou medio prazo, poder iniciar programas de selección xenética contra a enfermidade causada polo parasito Marteilia Cochillia.

relacionada ​A marea vermella obriga a pechar 14 polígonos de bateas
relacionada ​Rescatados cuatro tripulantes de una embarcación que chocó contra una batea

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE