​A Deputación da Coruña formará 90 socorristas para solucionar as carencias nas praias

|

Socorristascurso


Nos últimos anos os concellos galegos atopáronse con dificultades á hora de contratar no verán socorristas para as súas praias, en parte pola falta de aspirantes. Para intentar solucionar esta carencia, a Deputación da Coruña decidiu actuar pola vía da formación. Así, acaba de sacar a licitación, por un importe máximo de 129.000 euros, os servizos de impartición de cursos de formación en socorrismo acuático dirixidos a persoas desempregadas.


Segundo informa o organismo provincial, os cursos serán gratuítos e estarán abertos a todos aqueles habitantes dos concellos da provincia nas súas tres sedes: A Coruña, Santiago e Ferrol.


En cada zona, impartiranse dúas formacións, unha da especialidade en espazos acuáticos naturais e outra en instalacións acuáticas cuxos custos asume integramente a Deputación.


O número de asistentes será dun máximo de 15 persoas por edición polo que as prazas ofertas ascenden a 90 en toda a provincia, 45 deles poderán traballar nas praias. Os beneficiarios serán designados polo equipo técnico do proxecto entre as persoas que resulten admitidas nos procesos de selección realizados nos municipios.

relacionada ​La falta de socorristas en las playas será crónica a corto plazo
relacionada ​AGE propón obrigar a que todas as praias teñan socorristas no verán

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress