Cultura recibe "16 millóns de euros menos" que en 2012

|

Cidadedacultura

A cidade da cultura acapara o 14% dos orzamentos de Cultura


O membro da dirección de Esquerda Unida Xabier Ron alertou que os orzamentos da Xunta para o próximo ano destinan a Cultura "16 millóns de euros menos" en comparación cos do ano 2012.


O exdeputado de AGE na Cámara galega criticou que as contas do Goberno galego para o 2017 "seguen perpetuando unha senda de empobrecemento do dereito de acceso da cidadanía á Cultura", que debe "servir para socializar e ser redistribuída por todo o territorio".


"En 2012, Cultura contaba cun orzamento de 79 millóns de euros e hoxe contamos con 63, é dicir, 16 millóns de euros menos", lembrou, para logo aclarar que, a pesar de que para 2017 "prodúcese un lixeiro incremento", "as partidas esenciais" continúan "conxeladas".


Tras sinalar que a Fundación Cidade da Cultura "segue acaparando o 14 por cento dos orzamentos" de Cultura, reclamou ao Goberno galego a creación dun 'Bono Cultural' que permita aos galegos "acceder á cultura durante todo o ano".


Por último, Ron esixiu á Xunta que "termine cos procesos de privatización" que afectan a Patrimonio, como "os parques arqueolóxicos" ou "o Camiño de Santiago".


Así as cousas, reclamou que "o Dolmen de Dombate sexa de titularidade pública" e que "os 69 albergues públicos sexan devoltos e non entregados a Florentino (FCC)".

relacionada El Dolmen de Dombate, envuelto en polémica electoralista
relacionada Senra: "A cultura galega está a ser sometida a un baleirado económico"
relacionada ​O BNG denuncia a "política deliberada de asfixia" da Xunta ao sector cultural

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress