​CUT convoca mobilizacións nas principais cidades contra a precariedade entre o profesorado

A Central Unitaria de Traballadores (CUT) celebrará asembleas abertas en cinco cidades este mércores 19 de xaneiro.

Os docentes denuncian a “precarización do cadro de persoal do ensino galego” nun momento de crise.

Foto: CUT

A comunidade educativa leva meses denunciando os recortes que sufriron no presente curso. A Xunta de Galicia decidiu prescindir de parte do reforzo co que contaban os centros escolares o ano pasado e agora, en plena sexta onda, con centenares de docentes de baixa e miles de alumnos contaxiados, a situación nas escolas empeorou notablemente.

Desde a Central Unitaria de Traballadores (CUT) reclaman máis estabilidade no corpo docente, sobre todo ante “a negativa do goberno de Feijóo a aplicar a lei e estabilizar o profesorado galego”.

É por isto que desde CUT convocaron cinco asembleas abertas para mañá en Santiago de Compostela, Lugo, Vigo, Ourense e A Coruña. Para asistir lembran que é obrigatorio o uso da máscara.

“A CUT chama a todo o profesorado afectado e compañeiros funcionarios dos

centros a participar delas e acabar dunha vez por todas coa precarización do cadro de persoal

do ensino galego”, sinalan desde o sindicato.

MÉRCORES 19 DE XANEIRO 19:00 HORAS:

- A Coruña: Cúpula do Parque de Eirís.

- VIGO: Escultura do bañista (A Laxe/Estación marítima)

- LUGO: Praza de Augas Férreas

- OURENSE: xardíns da Biblioteca Rosalía de Castro (Campus As Lagoas)

- COMPOSTELA: Xardíns da Residencia Fonseca (Campus Sur. Pza. Rodríguez

Cadarso).