O "roubo masivo" de cable eléctrico en Miño leva ao Concello e á Subdelegación para pedir axuda aos veciños

As administracións públicas piden "colaboración cidadá" ante o aumento de roubos deste tipo na localidade. 

Piden aos veciños que denuncien se presencian estes feitos delituosos ou actitudes sospeitosas que xa provocaron danos por un valor próximo aos 100.000 euros.

Reunión entre Concello, Subdelegación e Garda Civil | Foto: EP

O Concello de Miño e a Subdelegación do Goberno na Coruña apelaron á colaboración cidadá ante o "roubo masivo" de cable eléctrico no municipio.

Fixérono tras unha reunión mantida polo alcalde de Miño, Manuel Vázquez; a subdelegada do Goberno, María Rivas; e o coronel da Garda Civil, Francisco Javier Jambrina, para abordar esta cuestión.

Tanto o rexedor como a subdelegada fan unha chamada á colaboración cidadá para alertar ás forzas e corpos de seguridade do Estado ante calquera actitude sospeitosa.

Desde hai varias semanas, o Concello de Miño xa solicitou a colaboración de veciños e corpos de seguridade para tentar poñer fin a esta problemática. Desde o consistorio, cifrouse os danos en 80.000 euros.